Алматы облысының тілдерді дамыту жөніндегі
басқармасының бастығы Тәңірберген Қасымақынұлы Қасымберкебаев

1956 жылы 3 тамызда туылған. Орта мектепті 1974 жылы  бітірген. 1978 жылы Абай атындағы Қазақ Мемлекеттік педагогикалық институтының филология факультетін бітіріп, жолдамамен Алматы облысының Күрті ауданына жіберілген. Күрті ауданының Балатопар ауылында еңбек жолын қазақ тілі мен әдебиеті пәнінің мұғалімі жұмысымен бастаған ол ұйымдастырушылық, іскерлік қабілетімен танылып, 1980-1983 жылдары Құйған совхозы комсомол комитетінің хатшысы, 1983-1984 жылдары Айдарлы совхозында кәсіподақ комитетінің төрағасы, 1984-1986 жылдары Күрті аудандық мәдениет бөлімінің бастығы, 1986-1989 жылдары Халық депутаттары Топар селолық кеңесі атқару комитетінің төрағасы, 1989-1992 жылдары ауыл шаруашылығы қызметкерлері кәсіподағы аудандық комитетінің төрағасы қызметтерін атқарған.   1992 - 1997 жылдары Райымбек ауданы әкімінің орынбасары, 1997-1998 жылдары аудан әкімі аппаратының басшысы, 1998 жылдан 2009 жылдың желтоқсан айына дейін Райымбек ауданы әкімінің орынбасары қызметін атқарды. 2009 жылдың желтоқсанынан Алматы облысының тілдерді дамыту жөніндегі басқармасының бастығы.
Ел игілігі үшін атқарған  еңбегі үшін «Қазақстан Республикасының тәуелсіздігіне 10 жыл», «Қазақстан Республикасы Конституциясы күніне  10 жыл», «Астанаға 10 жыл» мерекелік медальдарымен, Қазақстан Республикасы Президентінің Алғыс хатымен марапатталған.
Қазақстан Республикасының Мәдениет қайраткері, Райымбек ауданының Құрметті азаматы.